Kompensimi financiar për shkak të rritjes së pagës minimale në shkallë vendi
Per cdo te punesuar me #pageminimale:⏭ Kriteret e perfitimit per kompensim te sigurimeve shoqerore dhe shendetesore, referuar VKM nr.114 date 01.03.2023
Kush përfiton?
- Subjektet juridike apo fizike, me të punësuar punëmarrës që paguhen me pagë minimale, që ushtrojnë aktivitet në fushat e veprimtarisë ekonomike të industrisë përpunuese, të peshkimit, bujqësisë dhe pyjeve, që rezultojnë në regjistrin e tatimpaguesve të administratës tatimore dhe u fillon kodi NACE2 me A dhe C.
Cilat janë kriteret?
- Të jenë subjekte jo në pronësi shtetërore;
- Të mos jenë të vetëpunësuar;
- Të mos jenë në proces falimentimi;
- Të mos kenë detyrime ndaj organeve tatimore për sigurimet e detyrueshme shëndetësore dhe shoqërore, deri në momentin e aplikimit ose në momentin e aplikimit të vërtetojnë se:
- kanë lidhur marrëveshjet përkatëse për shlyerjen e këtyre detyrimeve dhe janë të rregullt në shlyerjen e tyre;
- kanë shlyer detyrimet, por kanë ende pa paguar gjobat.
Periudha kohore e kompensimit
- Prill-Dhjetor 2023
Procedura e kërkesës
- Subjektet paraqesin kërkesë për aplikim elektronikisht nëpërmjet portalit “e-Albania”, jo më vonë se data 20 e muajit pasardhës, nga muaji i pritshëm i deklarimit, për periudhën që kërkojnë kompensim, në të kundërt humbasin kompensimin për atë periudhë.
- Lista e subjekteve gjenerohet nga Drejtoria e Përgjithshme e Tatimeve dhe dërgohen pas datës 20 të çdo muaji, në Drejtorinë e Përgjithshme të Punësimit të AKPA-s.
- Drejtoritë Rajonale të Punësimit, brenda 5 ditëve pune verifikojnë listën e subjekteve aplikuese me listën e gjeneruar nga sistemi tatimor.
- Drejtoritë Rajonale të Punësimit informojnë nëpërmjet llogarisë në e-Albania dhe email, çdo subjekt kërkues mbi statusin e kërkesës, refuzuar ose pranuar.
- Për të gjitha kërkesat që plotësojnë kriteret, drejtoritë rajonale të punësimit, brenda 10 ditë pune, finalizojnë listën përfundimtare të subjekteve përfituese.
Si llogaritet kompensimi?
- Kompensimi financiar llogaritet dhe jepet bazuar në numrin maksimal të të punësuarve me pagë minimale, që figurojnë në listëpagesën e deklaruar në organet tatimore, për muajin dhjetor 2022
- Jepet për numrin e të punësuarve me pagë minimale të deklaruar në muajin që kërkon kompensim, por jo më shumë se numri maksimal i të punësuarve me pagë minimale të deklaruar për muajin dhjetor 2022
- Shuma totale për çdo kompensim për çdo muaj do të bazohet në numrin e punonjësve, në masën 1,674 (një mijë e gjashtëqind e shtatëdhjetë e katër) lekë për çdo punonjës e llogaritur në referencë edhe të periudhës kontributive të muajit dhjetor 2022
E drejta e ankimit
- Aplikantët, kërkesa e të cilëve nuk është aprovuar ose pranuar pjesërisht, kanë të drejtën e ankimimit pranë drejtorit të drejtorisë rajonale të AKPA-s, brenda 3 ditëve pune, nga momenti i publikimit të listës përfundimtare të subjekteve përfituese.
- Drejtori i drejtorisë rajonale të AKPA-s shqyrton dhe merr vendim mbi ankimimin e subjektit/subjekteve brenda 5 ditëve pune.
Kontaktoni ZLA Consulting, stafi jonë do t’ju jap suportin e duhur për të kontrolluar nëse ju përfitoni nga ky kompensim si dhe të aplikoni në kohën dhe formën e duhur.
